Футболдан Қазақстан ұлттық құрамасының бас бапкері Станислав Черчесов УЕФА Ұлттар лигасының 4-турындағы жеңілістен кейін пікір білдірді. Бұл туралы KAZ.NUR.KZ хабарлайды.
Қазақстан құрамасының бас бапкері Станислав Черчесов соңғы матчтарда командасының ойын сапасы жақсарғанын атап өтті.
"Біздің ойынымызда жақсы мүмкіндіктер туа бастады. Қарсыластың айып алаңына да еніп, түрлі қауіпті мүмкіндіктерді жасадық. Қарсыласымыз мықты болды, олар бізге қысым жасады, бірақ біз сол сәттерде өте жақсы ойнадық.
Норвегия құрамасы осал команда емес, оларға қарсы тұру үшін сапалы командалық ойын немесе керемет үйлесім қажет. Біз командалық ойынды жетілдіріп, сол арқылы нақты нәтижелерге қол жеткізуді көздеп отырмыз", - деді Станислав Черчесов.
Айта кетейік, футболдан Қазақстан ұлттық құрамасы УЕФА Ұлттар лигасының 4-туры аясында Словенияға қарсы кездесу өткізді. Алматыдағы Орталық стадионда өткен матчта Қазақстан құрамасы 0:1 есебімен жеңіліс тапты.
Мақаланың түпнұсқасы: https://kaz.nur.kz/sport/football/2173707-naqty-natizhelerge-qol-zhetkizudi-kozdep-otyrmyz-cherchesov-oiynnan-keiin-pikir-bildirdi/
