"Реал" клубы "Боруссия" қақпасына 5 гол соқты: Чемпиондар лигасының 3-тур матчтары қалай өтті

УЕФА Чемпиондар лигасының жалпы кезеңінің 3-туры аясындағы матчтары өтті. Мадридтік "Реал" өз алаңында "Боруссияны" ірі есеппен жеңді. Бұл туралы KAZ.NUR.KZ хабарлайды.

Мадридтік "Реал" клубы өз алаңында "Боруссияны" (Дортмунд) қабылдады. Бұл матчта алаң иелері 5:2 есебімен жеңіске жетті.

"Реал" сапында Антонио Рюдигер (60 минут), Винисиус Жуниор (62, 86, 90+3) және Лукас Васкес (83) гол соқты. Ал "Боруссия" командасының ойыншылары Дониелл Мален (30) мен Джейми Байно-Гиттенс (34) көзге түсті.

Англиялық "Арсенал" клуб өз алаңында украиналық "Шахтерды" қабылдап, минималды жеңіске жетті. Қақпашы Дмитрий Ризниктің (29) автоголы лондондықтарға үш ұпай әкелді.

"ПСЖ" екінші матч қатарынан жеңіске жете алмады. Франциялық клуб өз алаңында голландиялық "ПСВ" командасымен тең ойнады. "ПСЖ" сапында Ашраф Хакими (55) гол соқса, "ПСВ" сапынан Ноа Ланг (34) гол соқты.

22 қазандағы ойын күнінің нәтижелері:

• "Монако" (Франция) – "Црвена Звезда" (Сербия) – 5:1;
• "Милан" (Италия) – "Брюгге" (Бельгия) – 3:1;
• "Арсенал" (Англия) – "Шахтер" (Украина) – 1:0;
• "Реал" (Испания) – "Боруссия" (Германия) – 5:2;
• "Штурм" (Аустрия) – "Спортинг" (Португалия) – 0:2;
• "Жирона" (Испания) – "Слован" (Словакия) – 2:0;
• "Ювентус" (Италия) – "Штутгарт" (Германия) – 0:1;
• "Астон Вилла" (Англия) – "Болонья" (Италия) – 2:0;
• "ПСЖ" (Франция) – "ПСВ" (Нидерланды) – 1:1.

Айта кетейік, УЕФА Чемпиондар лигасының жалпы кезеңінің үшінші турының келесі ойындары бүгін, 23 қазанда өтеді.