Қазақстан футбол федерациясының президенті лауазымына үміткерлер тізімі жарияланды. Бұл туралы KAZ.NUR.KZ ҚФФ-тың Telegram-дағы арнасына сілтеме жасап хабарлайды.
Бүгін, 2 желтоқсанда Қазақстан футбол федерациясы сайлау комитетінің отырысы өтті. Отырыс қорытындысы бойынша ҚФФ сайлау комитеті ҚФФ мүшелері ұсынған Қазақстан футбол федерациясы президенттігіне үміткерлерді тіркеу туралы шешім қабылдады. ҚФФ мүшелерінен барлығы 6 үміткер ұсынылды.
ҚФФ президенттігіне тіркелген үміткерлердің алдын ала тізімі:
- Даумов Алтай Алмасұлы, "Алматы облысының футбол қауымдастығы" ЗТБ атынан;
- Жамантаев Ерлан Айтпайұлы, "Жеке футбол мектептері мен академияларының республикалық лигасы" ЗТБ атынан;
- Қайыров Ербол Қыдырбекұлы, "Ақмола облысының футбол қауымдастығы" ЗТБ атынан;
- Лория Давид Григорьевич, "Қарағанды облысының футбол қауымдастығы" ЗТБ атынан;
- Мағау Наргис Ерланқызы, "Para Football League" ҚБ атынан;
- Омаров Марат Талғатұлы, "Астана қаласының футбол федерациясы" қауымдастығы ЗТБ атынан.
Еске салайық, қарашада Әділет Барменқұлов өз еркімен ҚФФ президенті қызметінен кеткен еді. Ол осы қызметті 2022 жылдың ақпанынан бері атқарды. Жаңа президент ҚФФ кезектен тыс конференциясында сайланады.
Мақаланың түпнұсқасы: https://kaz.nur.kz/sport/football/2195021-qazaqstan-futbol-federatsiiasy-prezidenttigine-umitkerler-belgili-boldy/
