Халықаралық хоккей федерациясы (IIHF) аясында тарихта тұңғыш рет хоккейден Азия чемпионаты өтеді. Бұл туралы KAZ.NUR.KZ Қазақстан хоккей федерациясының ресми сайтына сілтеме жасап хабарлайды.
Турнир биылғы жылдың 6-9 қараша аралығында өтеді деп жоспарланған. Чемпионат Алматыдағы Halyk Arena кешенінде өтпек.
Қазақстан құрамасының қарсыластары Жапония, Корея және Қытай командалары болады.
Соңғы рет Halyk Arena-да халықаралық хоккей жарыстары 2017 жылғы Универсиада аясында өткен. Ол кезде біздің студенттік құрама күміс медаль еншілеген болатын.
Еске сала кетейік, хоккейден әйелдер арасындағы Азия чемпионаты биылғы жылдың 31 қазан мен 3 қараша аралығында Қытай астанасы Бейжіңде өтеді. Чемпионатқа Қазақстан, Жапония, Корея және Қытай елдерінің құрамалары да қатысады.
Алдағы турнирлер 2025 жылдығ 7-14 ақпан аралығында Қытайдың Харбин қаласында өтетін Азия ойындарына дайындық жарыстары болып саналады.
Мақаланың түпнұсқасы: https://kaz.nur.kz/sport/hockey/2169181-tunggysh-ret-uiymdastyrylatyn-hokkeiden-aziia-chempionaty-qazaqstanda-otedi/
