Елордалық "Барыс" клубы Құрлықтық хоккей лигасы аясында ұйымдастырылған 3х3 форматындағы жаңа турнирдегі алғашқы ойындарын өткізді. Бұл туралы KAZ.NUR.KZ хабарлайды.
Астаналық "Барыс" клубы аталмыш жарыстың алғашқы ойынын "Сібір" командасына қарсы өткізді. Мәскеудегі "Южный" мұз айдынында өткен кездесуде "Барыс" 4:7 есебімен жеңіліс тапты.
Осыдан кейін бірден "Барыс" хоккейшілері ресейлік "Трактор" клубымен кездесу өткізді. Бұл ойында астаналық клубтың хоккейшілері 2:5 есебімен есе жіберіп қойды.
Естеріңізге сала кетейік, бүгін 19 желтоқсанда ҚХЛ аясында ұйымдастырылған 3х3 форматындағы жаңа турнир басталды. ҚХЛ 3х3 чемпионатының бірінші маусымына сегіз команда қатысады.
"Барыс", "Авангард", "Металлург", "Салават Юлаев" командалары FONBET дивизионында шеберлік байқасады. Ал "Ақ Барыс", "Динамо", "Сібір", "Тракторы" клубтары WINLINE дивизионында өнер көрсетеді.
Мақаланың түпнұсқасы: https://kaz.nur.kz/sport/hockey/2202369-barys-qhl-aiasyndagy-zhanga-turnirdi-birden-eki-zhengilispen-bastady/
