Жақында UFC-мен келісімшартқа отырған Асу Алмабаев әлемнің үздік лигасындағы дебютіне дайындығын бастап кетті, деп жазады KAZ.NUR.KZ тілшісі.
Отандық аралас жекпе-жек шебері қазіргі уақытта Солтүстік Осетияда дайындалуда. Ол Instagram желісіндегі парақшасында жаттығу жұмыстарын бейнелейтін видео жариялады.
Айта кетейік, Солтүстік Осетиядан кейін Асу Алмабаев АҚШ-қа аттанады деп күтілуде. Оның UFC лигасындағы дебюттік кездесуі 1 шілдеге жоспарланған. Әзірге отандық спортшының қарсыласы белгісіз.
Айта кетейік, 5 сәуірде Асу Алмабаев UFC-мен келісімшартқа отырды.
Қазіргі уақытта әлемнің үздік лигасында Асудан бөлек Жалғас Жұмағұлов, Азат Максум, Шавкат Рахмонов, Сергей Морозов өнер көрсетеді.
Мақаланың түпнұсқасы: https://kaz.nur.kz/sport/mma/2021250-asu-almabaev-ufc-degi-debyutine-qaida-daiyndalyp-zatyr-video/
