Дәстүрлі спортшылар мен экстремалды спортшылар арасында үлкен айырмашылық бар. Экстремалды спортпен айналысатындар өздерінің мүмкіндіктерінің шегін анықтағысы келеді. Өйткені "экстрим" белгілі бір тәуекелді білдіреді. Сондықтан да аспан әлемін бағындырған бес спортшыға табанды жаттығумен қатар, тәжірибелі нұсқаушымен бірге "жұмысты" талап еткені сөзсіз.
Парашютпен секіру көп нәрсені қамтиды. Қазіргі уақытта парашютпен секіру, скайвинг, BASE-секіру сынды түрлері бар.
Біз осы экстремалды спорттың ең жарқын өкілдері туралы айтатын боламыз.
Джеб Корлисс ‒ скайдайвер, бейсер
Ол BASE-секіруші Рио-де-Жанейродағы Эйфель мұнарасы мен Құтқарушы Мәсіхтің мүсінінен секіргеннен кейін танымал болды.
Ол сарқырамадан қанат костюмімен (вингсьют) секіріп өткен алғашқы адам болды. Ал 2013 жылы ол сол костюммен тікұшақтан секіріп, ең экстремалды вингсьютер атағын алды.
Александер Полли ‒ бейсер
Ол — техникалық тұрғыда мүмкін емес секірулерді орындаған ең экстремальды BASE-спортшының бірі.
Поллидің қос азаматтығы — итальяндық және норвегиялық бар. Ол YouTube-те миллионнан аса көрсетілім жинаған секірулерімен танымал.
2013 жылы ол тікұшақтан секіріп, Испанияның Монтсеррат қаласындағы тар Batman үңгірі арқылы сағатына 249 км жылдамдықпен ұшқан болатын.
YouTube-те ең қызықты секіруінің видеосы 13 миллионнан астам қаралым жинады.
Өкінішке қарай парашютші және бейсджампингтің ардагері 2016 жылдың тамызында Шамонидің жанындағы вингсьютте секіруден кейін қайтыс болды.
Оның батыл секірулері мен аспандағы ептілігі туралы жанкүйерлер әлі күнге дейін айтуда.
Феликс Баумгартнер ‒ скайдайвер, бейсер
Бұл австриялық экстремалды спортшы парашютпен секірудің әлемдік рекордын орнатумен танымал. Ол 39 км, 843,6 миль және қосалқы техникасыз дыбыс жылдамдығының шегінен асуымен белгілі.
Сондай-ақ ол стратосферадан гельді шармен секіріп, жекелеген биіктік пен жылдамдықта еркін құлауымен танымал.
Парашютистің жанкүйерлері оның батылдығына таңғалып, сүйсінеді.
Ив Росси ‒ ұшқыш
Швейцариялық ұшқыр әрі өнертапқыш өзі ойлап тапқан реактивті қанат — JetMan-мен ұшуымен танымал.
Ол Швейцария әуе күштерінде ұшқыш ретінде қызмет еткен. Одан бөлек реактивті қозғалтқыштары бар қанат костюмі бар әлемдегі алғашқы адам ретінде танымал.
Люк Айкинс ‒ скайдайвер, парашютист
Танымал парашютші спортшылар отбасынан шыққан американдық. Ол үш әлемдік рекорд орнатуымен танымал.
Қазір Люк командасымен бірге әлемді аралап, ең керемет секірулерді орындап жүр. Оның секірулері бүкіл әлемдегі жанкүйерлерін таң қалдыруда.
Мақаланың түпнұсқасы: https://kaz.nur.kz/sport/other-sports/1963699-tungiyqqa-qadam-basu-bes-ekstremalist-parasyutsi-turaly-ne-bilemiz/
