Қазақстандық спортшы Нора Джеруто жеңіл атлетика бойынша Юджинде (АҚШ, Орегон штаты) өтіп жатқан әлем чемпионатындағы жеңісіне қатысты пікір білдірді, деп жазады KAZ.NUR.KZ тілшісі worldathletics.org сайтына сілтеме жасап.
Айта кетейік, Джеруто кедергілер арқылы 3000 метрге жүгіру бойынша алтын медаль алды. Сондай-ақ ол әлемдік рекорд орнатты (8:53.02).
Бұл жеңіл атлетика бойынша әлем чемпионатындағы Қазақстанның алған алғашқы алтын медалі болып отыр.
"Сөреде Эфиопиядан келген әріптестерімнен қауіптендім. Олар да мен секілді чемпион. Жарыста жеңу үшін бар күшімді салдым. Бұл оңайға соқпады. Мен жарысты бақылауды ұнататындықтан, сондай-ақ медальдар үшін күресе алатыныма сенімді болу үшін алда жүгірдім.
Әкеме, анама, бапкеріме, қарсыластарыма, сонымен қатар менеджеріме және әпкеме алғыс айтамын. Әпкем финалға өте алмаса да, оның келесі чемпион екенін айтқым келеді", - деді Джеруто.
Еске сала кетсек, Нора Джеруто Кения тумасы, дегенмен бірнеше жылдан бері Қазақстан намысын қорғап жүр.
Мақаланың түпнұсқасы: https://kaz.nur.kz/sport/other-sports/1979563-onaiga-soqpady-alem-cempiony-atangan-qazaqstandyq-zenil-atlet-nora-dzeruto-zenisine-pikir-bildirdi/
