2018 жылы Оңтүстік Кореяның Пхенчхан қаласында өткен қысқы Олимпиадада жүлдегер атанған Юлия Галышеваға ота жасалды, деп жазады KAZ.NUR.KZ тілшісі.
Бұл туралы қазақстандық спортшы Instagram Stories-те хабарлады.
Кадрдан Юлия Галышеваның аурухана палатасында жатқанын аңғару қиын емес.
Белгілі болғандай, отандық спортшының аяғына ота жасалған.
"Наркоздан кейінгі он минут. Наркоздан кейінгі жиырма минут", - деді қазақстандық спортшы.
Айта кетейік, Юлия Галышева 1992 жылы 23 ақпанда Өскемен қаласында өмірге келген. Ол фристайл могулдан 2018 жылғы Қысқы Олимпиада ойындарының қола жүлдегері және Азия ойындарының екі дүркін жеңімпазы. Сонымен қатар қазақстандық спортшы 2019 жылы Әлем чемпионы атанған.
Мақаланың түпнұсқасы: https://kaz.nur.kz/sport/other-sports/2018229-qysqy-olimpiadada-zuldeger-atangan-otandyq-sportsyga-ota-zasaldy-foto/
