Шетелдік БАҚ беттерінде "Эйр Астана" әуекомпаниясының Түркия біріншілігінде өнер көрсететін "Бешикташ" футбол клубынының стадион шатырын жаңартуға демеушілік ұсынғаны туралы ақпарат тараған болатын. Бұған қатысты компанияның баспасөз қызметі пікір білдірді, деп хабарлайды ҚазАқпарат.
Әуе компаниясының баспасөз қызметі бұл ақпараттың шындыққа жанаспайтынын жеткізді.
"Бұл жаңалықтағы біздің компаниямызға қатысты ақпарат шындыққа жанаспайды. Әуе компаниясы аталған клубқа ешқандай демеушілік ұсыныс жасамаған", - делінген хабарламада.
Сонымен қатар,"Эйр Астана" компаниясы өздері туралы жалған ақпаратты кімдер қандай мақсатпен таратқанын анықтамайтынын, сәйкесінше ешқандай шара қабылдамайтынын мәлімдеді.
Мақаланың түпнұсқасы: https://kaz.nur.kz/sport/other-sports/2018380-eir-astana-kompaniyasynyn-turkiyanyn-ataqty-klubyna-demeuslik-usyngany-ras-pa/
