Каратэден Жапонияның Фукуоки қаласында каратэден Премьер-лига турнирі мәресіне жетті. Бұл сында қазақстандықтар 1 күміс, 6 қола медаль еншіледі, деп хабарлайды Спорт дирекциясына сілтеме жасаған KAZ.NUR.KZ.
Қазақстан сапынан 60 келідегі Дархан Темірәлиев финалда жеңіліп, күмісті қанағат тұтты.
Ал Токио Олимпиадасының қола жүлдегері Софья Берульцева бұл жарыста да үшінші орыннан көрінді.
Қола медаль жеңіп алғандар қатарында ерлі-зайыптылар Мөлдір Жаңбырбай мен Дидар Әмірәлі де бар. Мөлдір 55 келіде, Дидар 67 келіде үздік үштіктен көрінген.
Сондай-ақ Гүлмира Үсенова, Лаура Әліқұл, Абылай Төлтайдың еншісінде де қола жүлде бар.
Жапониядағы ірі жарысқа әлемнің 47 елінен 300-ден аса спортшы қатысты.
Мақаланың түпнұсқасы: https://kaz.nur.kz/sport/other-sports/2024305-otandyq-erli-zaiyptylar-zaponiyadagy-iri-zarysta-qola-medal-zenip-aldy/
