![Шорт-трекшілер Шорт-трекшілер](https://cdn.nur.kz/images/1120x630/519d50cd730c333f.jpeg)
2030 жылы XXVI қысқы Олимпиада ойындары қайда өтетіні белгілі болды. Бұл туралы KAZ.NUR.KZ Халықаралық Олимпиада комитетінің X желісіндегі ресми парақшасына сілтеме жасап хабарлайды.
Халықаралық Олимпиада комитетінің 142-сессиясындағы дауыс беру қорытындысы бойынша, 2030 жылғы қысқы Олимпиада ойындары Франциядағы Альпі тауларында өтетін болды.
Осылайша Франция төртінші рет қысқы Олимпиада ойындарын қабылдамақ. Бұған дейін 1924 жылы Шамони, 1968 жылы Гренобль және 1992 жылы Альбервиль сияқты Франция қалаларында қысқы ойындар болған.
Айта кетейік, 2026 жылы ақ Олимпиада Италияның Милан және Кортина-д’Ампеццо қалаларында 6-22 ақпан аралығында өтеді. Cоңғы рет қысқы Олимпиада 2022 жылы Қытай астанасы Бейжіңде жалауын түрген еді. Бұл додада Қазақстан құрамасы бірде-бір жүлде еншілей алмай, жалпы есепте 51-орынға жайғасты.
Мақаланың түпнұсқасы: https://kaz.nur.kz/sport/other-sports/2139166-2030-zhyly-qysqy-olimpiada-oiyndary-qaida-otetini-belgili-boldy/