Халықаралық допинг сынау агенттігі (ITA) ресми сайтында ирандық дзюдошы Саджад Ганим Сехеннің тесті оң нәтиже бергенін хабарлады. Бұл туралы KAZ.NUR.KZ хабарлайды.
Спортшының ағзасынан тыйым салынған стероидтер – метандиенон және болденон табылды. Сехен 23 шілдеде оң сынақтан өтті, екі күннен кейін талдау нәтижелерін Халықаралық допингке қарсы агенттік (WADA) аккредиттеген Париж зертханасы хабарлады.
Дзюдошыға бұл туралы хабар берілген, ол спорттан уақытша шеттетілді.
Енді Сехен 2024 жылғы Олимпиадаға қатысты ешбір іс-шараларға қатыса алмайды. Сонымен қатар ирандық В үлгісіндегі талдауды талап етуге және Спорттық арбитраждық сотта спорттан шеттетілуін қайта қарастыруға өтініш бере алады.
Бұл 2024 жылы Парижде өткен Олимпиада ойындарындағы допинг табылған алғашқы жағдай болып отыр.
Мақаланың түпнұсқасы: https://kaz.nur.kz/sport/other-sports/2140368-2024-zhylgy-olimpiadada-dopingting-ong-synamasy-anyqtaldy/
