Футзалдан Қазақстан ұлттық құрамасы Ташкентте өтіп жатқан әлем чемпионаты аясында Испаниямен кездесті. Бұл туралы KAZ.NUR.KZ хабарлайды.
Өзбекстанның Ташкент қаласында өтіп жатқан футзалдан әлем чемпионаты аясында Қазақстан құрамасы D тобында Испаниямен тең тарқасты.
Ойынның 5-секундында Қазақстан ұлттық құрамасының мүшесі Біржан Оразов есепті ашты. Ал матчтың 17-минутында Испания құрамасының ойыншысы Хесус Гордильо есепті теңестірді.
Сондай-ақ футзалдан Қазақстан құрамасы D тобында Ливиямен (18 қыркүйек) және Жаңа Зеландиямен (21 қыркүйек) кездесу өткізеді.
Плей-офф кезеңіне топта үздік атанған 2 құрама тікелей жолдама алады. Сонымен бірге әр топта үшінші орын алған құрамалар арасында үздік атанған 4 команда да плей-офф кезеңіне шығады.
Айта кетейік, Ташкентегі әлем чемпионаты 6 қазанға дейін жалғасады.
Мақаланың түпнұсқасы: https://kaz.nur.kz/sport/other-sports/2161539-futzaldan-qazaqstan-quramasy-alem-chempionaty-aiasynda-ispaniiamen-teng-tusti/
