Футзалдан Қазақстан ұлттық құрамасы Ташкентте өтіп жатқан әлем чемпионаты аясында Испаниямен кездесу өткізіп жатыр. Бұл туралы KAZ.NUR.KZ хабарлайды.
Өзбекстанның Ташкент қаласында өтіп жатқан футзалдан әлем чемпионаты аясында Қазақстан құрамасы D тобында Испаниямен кездесу өткізіп жатыр.
Ойынның 10-минутында Қазақстан құрамасының мүшесі Дәурен Тұрсағұлов қарсыласқа қарсы дөрекі ойнағаны үшін қызыл қағаз алып алаңнан қуылды.
Дәл қазіргі сәтте Қазақстан құрамасы 1:0 есебімен алда келеді. Біржан Оразов ойынның 5-секундында гол соғып, құраманы алға шығарған болатын.
Айта кетейік, Ташкентегі әлем чемпионаты 6 қазанға дейін жалғасады.
Мақаланың түпнұсқасы: https://kaz.nur.kz/sport/other-sports/2161558-qazaqstan-quramasynyng-oiynshysy-match-barysynda-qyzyl-qagaz-alyp-alangnan-quyldy/
