Алматыда спорттық гимнастикадан Париж Олимпиадасының күміс жүлдегері Нариман Құрбанов АЭС құрылысы бойынша референдумда дауыс беруге қатысты. Бұл туралы KAZ.NUR.KZ хабарлайды.
Атақты спортшы өзінің үлгісімен ел үшін осы мәнді оқиғаға қатысудың маңыздылығын көрсеткісі келетінін атап өтті.
"Өз дауысыңды беру-әркімнің азаматтық борышы, мен міндет деп айтар едім. Әркімнің өз таңдауы бар және оны жасау керек. Қазақстандықтар бұл мәселеде жауапкершілікті көрсететініне сенімдімін", - деді Нариман Құрбанов.
Еске салайық, бұған дейін Алматыда Париждегі ХХХІІІ жазғы Олимпиада ойындарының қола жүлдегері Назым Қызайбай мен белгілі боксшы Ермахан Ибраимов дауыс берген болатын.
Қалада барлығы 624 сайлау учаскесі жұмыс істейді, олар сағат 20.00-ге дейін ашық болады.
Мақаланың түпнұсқасы: https://kaz.nur.kz/sport/other-sports/2170540-olimpiadanyng-kumis-zhuldegeri-nariman-qurbanov-referendumda-oz-dauysyn-berdi/
