"Оқжетпес" чемпион атанады – Әлімжан Асқар 1ХВЕТ QFL Бірінші лигасы туралы

1ХВЕТ QFL Бірінші лигасының аяқталуына 3 тур қалды, ал чемпиондыққа 5 команда таласуда. Жарыс 25 қазанда аяқталады деп жоспарланған. Бірінші орынды кім алуы мүмкін екенін және турнирдің ерекшеліктері туралы спорт комментаторы Әлімжан Асқар баяндап берді.

- Әлімжан, 1ХВЕТ QFL Бірінші лигасының аяқталуына 3 тур қалды. Кім чемпион атанады?

- Биыл турнир ерекше қызық өтіп жатыр және кім чемпион боларын дөп басып айту әлі де қиын. Дәл қазір "Ұлытау" мен "Оқжетпес" турнир кестесінде көш басында тұр. Көкшетаулықтардың тұрақты ойыны және бас бапкер Андрей Ферапонтовтың біліктілігі чемпион атануға жетелейді деп сенемін. Олардың басты қарсыласы "Ұлытау" былтыр ғана Екінші лигада топ жарған ұжым енді жоғары дивизионның жүлдегері атануы мүмкін. Сөйтіп "Оқжетпес" пен "Ұлытау" мақсаттарына жетіп, Премьер-лигаға шығатынына сенемін. Кезінде "Оқжетпесте" өнер көрсеткен, тәжірибелі Жасұлан Молдақараев бүгінде жезқазғандықтардың басты күшіне айналғаны қуантады.

- Осы маусымда турнирде тек қазақ футболшылары өнер көрсетеді, ал командалар турнирлік кестеде бірінші турдан бастап, әлі күнге дейін тығыз орналасқан. Бұл неге байланысты және бас серіктес 1ХВЕТ компаниясының рөлі қандай?

- Осы маусымның бір ерекшелігі – Премьер-лигаға промоушн ұтып алуға кемі төрт команда таласып жатыр. Маусым алдында мақсаты айқын болған "Оқжетпес", "Ұлытау", "Каспий" және жекеменшік клуб "Хан-Тәңірі" ойындарды жоғары деңгейде өткізіп келеді. Бір қуантатыны, турнирде кіл қазақстандық футболшылар ойнап жатыр. Нәтижесінде түлектеріне сенім артқан "Қайрат" ұжымының жастары тәжірибелі ағаларына қарсы лайық өнер көрсетіп жүр. Алматылықтар легионер күшіне ғана емес, болашақта негізгі командаға ілігетін жастарға жіті назар аударғаны жемісін беріп жатыр. Осындай қызу бәсекеге толы сайысты қолдап, демеуші болған бас серіктестің қазақ футболын дамытуға қосып жатқан үлесі мол.

- Алғаш рет осы маусымда барлық ойын отандық үш телеарналардың тікелей эфирінде көрсетілуде. Бұл сізге 1ХВЕТ QFL Бірінші лигасының ойындарын жүргізуде қаншалықты көмектеседі, және жанкүйерлердің қызығушылығын арттыруға әсерін тигізе ме?

- Барлық ойынның трансляциясы қазақ футболының жанкүйерлеріне ерекше сый болды. Біз де – комментаторлар ойындарды құштарлықпен жүргізіп, матч соңында өзара қызу пікірталас жасап, жүргізгенімізді талдауды әдетке айналдырдық. Әр команданы жақынырақ танып, футболшылардың өмірін зерттей келе, өзіміздің де, жанкүйерлердің де спортқа махаббаты арта түскенін байқауға болады. Тек осы турнирдің матчтарын жүргізіп, өз футболшыларымызға ғана жанкүйерлік етуге асығатын әріптестер де көбейді.

Айта кетейік, 1ХВЕТ QFL Бірінші лигасының 28-ші тур ойындары 10-11 қазанда өтеді.

*Букмекерлік қызмет Қазақстан Республикасында лицензияланған.