Үндістандық шахматшы Аниш Саркар Халықаралық шахмат федерациясының (FIDE) рейтингіне енген ең жас ойыншы атанды. Бұл туралы KAZ.NUR.KZ федерацияның X желісіндегі ресми парақшасына сілтеме жасап хабарлайды.
2021 жылы 26 қаңтарда дүниеге келген Аниш 9 жасқа дейінгі ойыншылар арасында Батыс Бенгалия штатының қазан айындағы ашық чемпионатына қатысты. Ол 5,5 ұпай жинап, 140 ойыншы арасында 24-орынға ие болды. Сондай-ақ соңғы раундтарда екі рейтингтік қарсыласын жеңді. Қазір үш жасар шахматшы рейтингте 1555-орында тұр.
Осыған дейін рейтингтегі ең жас шахматшы төрт жасар Бангладеш өкілі Афнан Таджвар Айлан (2020 жылы 16 наурызда туған) болған. Оның классикалық рейтингі – 1542. Сондай‑ақ үшінші дәрежелі FIDE тізімінде чилилік 4 жасар Сантьяго Алонсо Сото (1484) және вьетнамдық 5 жасар Ву Хао Ниен (1473) бар.
Еске салайық, Шымкентте өтіп жатқан әйелдер арасындағы FIDE Гран-приінде қазақстандық шахматшы Бибісара Асаубаева алғашқы жеңілісіне ұшыраған еді. Жарыстың 6-турында Асаубаева атақты ресейлік шахматшы Екатерина Лагноға есе жіберді.
Мақаланың түпнұсқасы: https://kaz.nur.kz/sport/other-sports/2183687-ush-zhasar-undistandyq-shahmatshy-alemde-buryn-songdy-bolmagan-zhetistikke-zhetti/
