Конькимен жүгіруден Қазақстан құрамасының спортшысы Надежда Морозова Жапонияның Хатинохе қаласында өтіп жатқан төрт құрлық чемпионатында күміс жүлдегер атанды. Бұл туралы KAZ.NUR.KZ Olympic.kz сайтына сілтеме жасап хабарлайды.
Қазақстандық спортшы Надежда Морозова төрт құрлық чемпионаты аясында 1000 метр қашықтықта сәтті өнер көрсетті.
Надежда Морозова бұл қашықтықты 01:17.16 уақыт көрсеткішімен бағындырып, күміс жүлдені жеңіп алды.
Бұл бәсекеде бірінші орынды америкалық Бриттани Боуи (01:15.65) иеленсе, үшінші орын АҚШ спортшысы Кими Гетцке (01:17.23) бұйырды.
Айта кетейік, бұған дейін Қазақстан құрамасы конькимен жүгіруден Жапонияда өтіп жатқан төрт құрлық чемпионатында қола жүлде жеңіп алды.
Мақаланың түпнұсқасы: https://kaz.nur.kz/sport/other-sports/2188542-qazaqstandyq-konkishi-tort-qurlyq-chempionatynda-kumis-zhulde-zhengip-aldy/
