Бокстан Париж Олимпиадасының қола жүлдегері Назым Қызайбай Динара Сәтжанның "Late night show with Dinara Satzhan" бағдарламасында қонақта болып, Димаш Құдайбергенмен таныстығы туралы айтты. Бұл туралы KAZ.NUR.KZ тілшісі хабарлайды.
Спортшы қыздың сөзінше, оған Instagram желісі арқылы танымал әнші Димаш Құдайберген хат жазып тұрады. Бағдарлама барысында тележүргізуші фотошоппен жасалған Назым Қызайбайдың Димаш Құдайбергенмен бірге тұрған суретін көрсетіп еді, "О, әдемі жарасады екенбіз, иә!?", - деп әзілдеді Назым.
Боксшы қызды Димаштың өзінен бір жас кіші болғаны да үрейлендірмейтін көрінеді.
"Қорқынышты емес. Одан да кішкентай балалар жазады. Димаш екеуіміз Instagram-да бір бірімізге жазылғанбыз. Жарыстарда жеңіске жеткенде құттықтап тұрады. Мен де оның Stories-теріне анда-санда жауап беріп тұрамын. Бұдан бөлек 2017 жылы қысқы Универсиада кезінде көріскенбіз", - деді Қызайбай.
Айта кетейік, Назым Қызайбай елге келгеннен кейін өзіне табыс етілген автокөліктерді сататынын айтқан еді.
Мақаланың түпнұсқасы: https://kaz.nur.kz/sport/other-sports/2189024-2017-zhyly-koriskenbiz-nazym-qyzaibai-anshi-dimash-qudaibergenmen-hat-almasyp-turatynyn-aitty/
