Астана қаласы спорт басқармасының басшысы Василий Левит әйелдер күресінен әлем чемпионатының төрт дүркін жүлдегері Жәмила Бақбергенова мен оның жеке бапкері Нұрсұлтан Теміровті марапаттады. Бұл туралы ведомство басшысы Instagram-дағы парақшасында жазды, деп хабарлайды KAZ.NUR.KZ.
Жәмила Бақбергенова қазанда Тиранада (Албания) өткен олимпиадалық емес салмақ санаттары бойынша әлем чемпионатында күміс медаль еншілеген еді. Оның қоржынында әлем біріншілігінің үш күмісі және бір қоласы бар. Василий Левит спортшы мен оның жеке бапкерін қабылдап, 1 млн теңгенің сертификатын табыстаған.
"Жәмиланың Тиранадағы нәтижесі оның әйелдер күресіндегі жетекші балуандардың бірі ретіндегі мәртебесін нығайтып, оны әлем чемпионатының төрт дүркін жүлдегері етті. 2021 жылдан бастап, ол жеңіс тұғырына тұрақты түрде көтеріліп келеді.
Оның жетістіктері – тек оның өзіне тән мақсатқа жету жолындағы табандылығының ғана емес, сонымен қатар жеке бапкері Нұрсұлтан Теміровтың қолдауының нәтижесі. Кездесу барысында біз Жәмиланың дайындық жағдайы, жетістіктері және халықаралық аренадағы алдағы жоспарларын талқыладық", - деп жазды Василий Левит.
Еске салайық, Жәмила Бақбергенова әлем чемпионатынан кейін ешқандай сыйақы алмағанын айтқан еді.
Мақаланың түпнұсқасы: https://kaz.nur.kz/sport/other-sports/2189960-vasilii-levit-qazaq-baluany-men-onyng-bapkerine-aqshalai-syiaqy-tabystady-foto/
