Италия жағалауында мигранттар мінген қайық апатқа ұшырап, 30-дан астам адам суға батып кетті

Италияның жағалаудағы Кротоне қаласына жақын жерде қатты дауыл салдарынан қайық сынып, 30-дан астам адам суға батып кетті, деп хабарлайды KAZ.NUR.KZ Sky News сайтына сілтеме жасап.

Кеме бүгін, 26 ақпанда таң ата Калабриядағы Кротоне қала маңындағы жағалаудың бортындағы адамдармен бірге суға бата бастаған кезде 100-ден астам мигрант болған.

Жергілікті ақпарат құралдарының хабарлауынша, марқұмдардың денелері жағаға шығарылған.

Құтқару жұмыстарына жағалау күзетінің кемелері, шекара полициясы мен өрт сөндірушілер жұмылдырылды.

Италияның өрт сөндіру және құтқару қызметі мигранттар мінген қайықтың Кротоне провинциясындағы Стеккато ди Кутро маңында суға батып кеткенін, 40-қа жуық адам аман қалғанын хабарлады. Ведомство құтқару жұмыстарының жалғасып жатқанын айтты.

Сондай-ақ, теңіз жағасындағы демалыс орнында жағаға 30-ға жуық мәйіттің шығып қалғаны, судан тағы үш мәйіт табылғаны және қаза тапқандар арасында баланың да бар екені хабарланды.

Басылымның хабарлауынша, Иран, Пәкістан және Ауғанстаннан келген мигранттар мінген қайық дауыл кезінде жартасқа соғылған.

"Қайықтың қай жерден жүзіп келгені расталмады, бірақ Калабрияға келген мигранттары бар кемелер әдетте Түркия немесе Мысыр жағалауынан шығады", – деп жазады басылым.