Түркияда полиция қызметкері әріптестеріне оқ жаудырды: қаза болғандар бар

Түркияның Адыяман қаласында полиция қызметкері бөлімшеде кезекшілікте жүрген әріптестеріне оқ жаудырды. Түркия ІІМ басшысы Әли Ерликая X әлеуметтік желісінде орын алған оқиғадан екі полицейдің қаза тапқанын хабарлады, деп жазады KAZ.NUR.KZ.

Ресми хабарламаға сәйкес, оқиға Адыяман-Алтыншехир полиция бөлімінде жергілікті уақытпен сағат 20:15 шамасында орын алған. Қызметкерлердің бірі табельдік қарудан өзге әріптестеріне оқ жаудырып, бөлімше бастығы мен қоғамдық қауіпсіздік басқармасының басшысы жарақат алды.

"Атыс шығарған қызметкер қамауға алынды. Шабуылда ауыр жарақат алған екі полиция қызметкері аса ауыр жарақат алып, ауруханаға жеткізілді. Дәрігерлер тырысқанымен, оларды аман алып қала алмады", - деді түркиялық ІІМ басшысы.

Әли Ерликая марқұмдардың жақындарына көңіл айтып, аталған оқиға бойынша тергеу басталғанын айтты.