Парижде Жерар Депардье сексуалдық зорлық-зомбылық күдігімен ұсталды

Француздың әйгілі актері Жерар Депардье сексуалдық зорлық-зомбылық жасады деген күдікпен Париждегі полиция бөлімшесіне жеткізілді. Актер өзіне тағылған айыпты мойындамады. Бұл туралы РБК сайтына сілтеме жасаған KAZ.NUR.KZ хабарлайды.

Басылым жергілікті БАҚ-қа сілтеме жасап жазуынша, Жерар Депардье сексуалдық зорлық-зомбылық жасады деген айыппен Парижде ұсталды. Қазір ол полиция бөлімшесінде тергеліп отыр, тергеу аяқталғаннан кейін актер қамауға алынуы мүмкін.

"Екі әйел актердың үстінен сексуалдық зорлық-зомбылық жасады деп шағым түсірді, олардың айтуынша, бұл жайт 2014 жылы "Маг и сиамцы" (Magicien et les Siamois, 2015), 2021 жылы "Зеленые ставни" (Les Volets verts, 2022) атты екі фильмнің түсірілім алаңында болған. Алайда Жерар Депардье тағылған айыптарды жоққа шығарды", - деп жазды басылым.

Актердің үстінен арыз жазған әйелдердің бірі Депардье дәлізде отырған кезде оның аяғынан ұстап, жамбасына қол тигізгенін айтқан, кейін оның ұятты жерлеріне қол сұғып, жыныстық қарым-қатынасқа түсуге ұсыныс жасағанын мәлімдеді. Содан соң, әйелдің сөзіне сүйенсек, түсірілім тобының өзге мүшелері әйелге көмекке келген.

Еске салайық, актерге тағылған жаңа айыптар жайлы ақпарат ақпанның аяғында жарияланған болатын.