Грекияда шетелдік туристер яхтадан отшашу атып, орманды өртеп жіберді (видео)

Грек билігі Идра аралындағы өрт шығарған 13 адамды қамауға алды, деп хабарлайды KAZ.NUR.KZ РИА Новости порталына сілтеме жасап.

"Идра аралындағы Бисти ауданында 21 маусым күні кешке орманда өрт тудырған 13 Грекия азаматын өрт сөндіру қызметінің қызметкерлері 22 маусымда қамауға алды. Жексенбі күні таңертең Пирей прокурорының алдында жауап береді", - деп хабарлады өрт сөндіру қызметі.

Бұқаралық ақпарат құралдарының хабарлауынша, өртке яхтадан ұшырылған белгі беру ракетасы немесе отшашу себеп болған. "Катимерини" газеті дереккөздерге сілтеме жасап, яхтаны Қазақстан азаматтары жалдаған деп хабарлады.

Өрт сенбі күні түстен кейін сөндірілді.

Өрт сөндіру қызметінің мәліметінше, 21 маусым, сағат 18:00-ден 22 маусым 18:00-ге дейін 66 табиғи өрт шыққан, оның 52-сі бастапқы кезеңде ауыздықтады, өрт сөндіру бөлімшелері 14 өртті әлі де сөндіріп жатыр.

Андрас аралында өрт қаулап жатыр, билік Стратопуриес, Ламира, Менитес және Ипсила елді мекендерінің тұрғындарын эвакуациялау туралы хабарлама жіберді.