Қытай Сыртқы істер министрлігі өкілдері Украина Ресеймен келіссөз жүргізуге дайын екенін мәлімдеді
Жарияланған күні:
![Дмитрий Кулеба Дмитрий Кулеба](https://cdn.nur.kz/images/1120x630/049e1476c1a9fde6.jpeg)
Украина сыртқы істер министрі Дмитрий Кулеба Украина Ресеймен келіссөз жүргізуге дайын екенін мәлімдеді. Бұл туралы Қытайдың Сыртқы істер министрлігі өкілдері хабарлады, деп жазады "РИА Новости"-ге сілтеме жасаған KAZ.NUR.KZ.
Украина Сыртқы істер министрі Дмитрий Кулеба қытайлық әріптесі Ван Имен келіссөздер барысында Ресей Федерациясымен келіссөзді бастауға дайын екенін айтқан. Бұл туралы Қытай Сыртқы істер министрлігінің ресми өкілі Мао Нин мәлімдеді.
"Украина тарабы ресейлік тараппен келіссөздер жүргізуді қалайды әрі оған дайын. Әрине келіссөздер тиімді әрі тәжірбиелік мәні болуы керек және әділ, берік бейбітшікке қол жеткізуге бағытталуы керек", - деді Мао Нин.
Украина Сыртқы істер министрлігінің басшысы сейсенбіде Қытайға Ван Имен келіссөздер жүргізуге және Ресеймен соғыста "әділ бейбітшілікке" жету жолдарын, сондай-ақ Украина – Қытай қарым-қатынастарын талқылау үшін барды, деп жазады "Голос Америки" басылымы.
Бұл – 2022 жылғы ақпанда соғыс басталғаннан бері Украинаның жоғары лауазымды шенеунігінің Бейжіңге бірінші сапары.
Мақаланың түпнұсқасы: https://kaz.nur.kz/world/2139171-qytai-syrtqy-ister-ministrligi-okilderi-ukraina-reseimen-kelissoz-zhurgizuge-daiyn-ekenin-malimdedi/