Камчаткада жанартау атқылағаннан кейін жер сілкінді (фото, видео)

Ресейдің Камчатка өлкесінде Шивелуч жанартауы атқылауы басталды. Бұл туралы KAZ.NUR.KZ Ресей ғылым академиясы жанартаутану және сейсмология институтының баспасөз қызметіне сілтеме жасап хабарлайды.

"Шивелуч жанартауында Каран күмбезі/300 жыл визуалды бағалауы бойынша теңіз деңгейінен 8 км үздіксіз электростатикалық разрядтар болды", - делінген институт мәлімдемесінде.

Жанартаудың белсенділігі жергілікті әуе қатынасы үшін қауіпті екені атап өтілді. Мамандар азаматтардан белсенді жанартауға жақындамауды және оқиғаны қауіпсіз қашықтан бақылауды сұрады.

Институттың ресми сайты мәліметінше, Шивелуч жанартауы – Камчаткадағы ең ірі жанартаулардың бірі.

Ол үш негізгі құрылымды қамтиды: Ескі Шивелуч жанартауы, ежелгі кальдера және белсенді Жас Шивелуч жанартауы. Жас Шивелучтың лава күмбезінің биіктігі 2500 метр.

Ключи ауылынан солтүстікке қарай 50 км және Петропавл-Камчатский қаласынан 450 км жерде орналасқан.

Еске сала кетейік, жыл басында Исландияда күшті жанартау атқылауы түсірілген болатын. Содан кейін президент Гвидни Йоханнессон азаматтарға сөз сөйлеп, қала маңындағы тұрғындарды эвакуациялау туралы хабарлады

Сәуір айының соңында Индонезияда Руанг жанартауының қатты атқылауы болды. Ел билігі дабыл деңгейін ең жоғары деңгейге көтерді. Содан кейін билік ұшқыштарды қауіпті жанартау күлінен қорғау үшін Руанг аралынан 100 шақырым жерде орналасқан Манадодағы ең жақын Сэм Ратуланги әуежайын жапты.