Байден Трампқа қастандық дайындалды деген оқиға туралы пікір білдірді

АҚШ презденті Джо Байден елдің бұрынғы басшысы Дональд Трампқа қастандық жасалған болуы мүмкін деген оқиғадан кейін мәлімдеме жасады. Бұл туралы KAZ.NUR.KZ тілшісі Ақ үйдің ресми сайтына сілтеме жасап хабарлайды.

Айта кетейік, бұған дейін Республикашылдар партиясынан АҚШ президенттігіне үміткер Дональд Трамп гольф ойнап жатқан клуб маңында атыс даусы естілген. Трамп атыс орнынан бірнеше жүз метр жерде болған. Федералдық тергеу бюросы бұл қастандыққа ұқсайды деп мәлімдеген.

Осыдан кейін АҚШ-тың қазіргі президенті мәлімдеме жасады.

"Менің командам маған федералды құқық қорғау органдары бұрынғы президент Трампқа қастандық жасау әрекетін тергеп жатқандығы туралы хабарлады. Күдікті ұсталды, мен құпия қызмет пен олардың құқық қорғау серіктестерінің бұрынғы президенттің және оның айналасындағылардың қауіпсіздігін қамтамасыз етудегі жұмысын жоғары бағалаймын", - деді америкалық көшбасшы.

Ол экс-президент зардап шекпегенін атап өтті. Қазір болған оқиғаны белсенді тергеу жүріп жатыр.

"Мен бірнеше рет айтқанымдай, біздің елде саяси немесе кез келген басқа зорлық-зомбылыққа орын жоқ. Мен өз командама бұрынғы президенттің қауіпсіздігін қамтамасыз ету үшін қажетті барлық ресурстармен, мүмкіндіктермен және қорғаныс шараларымен қамтамасыз етуді жалғастыруды тапсырдым", - деп қосты Байден.