КХДР Оңтүстік Кореямен автокөлік және теміржол қатынасын толығымен үзді

КХДР оңтүстік шекараның шығыс және батыс аймақтарында Корея Республикасымен автокөлік және теміржол қатынасын толығымен үзді. Бұл туралы ЦТАК арнасына сілтеме жасаған KAZ.NUR.KZ хабарлайды.

Кореяның орталық телеграф агенттігі Корей Халық Демократиялық Республикасының оңтүстік шекарасының шығыс және батыс аймақтарында Корея Республикасымен жалғасатын автокөлік және темір жолдардың толық үзілгені туралы хабарлама жариялады.

"Корея Еңбек партиясы Орталық әскери комитетінің 15 қазандағы бұйрығымен Бас штаб КХДР мемлекеттік билігінің қарамағындағы аумақтық шекараларды Корея Республикасы аумағымен жүйелі бөлу бойынша кезең-кезеңімен жүргізіліп жатқан жұмыс шеңберінде Корея Республикасымен байланысқан біздің тараптың аумағындағы оңтүстік шекараның шығыс және батыс аймақтарында автокөлік және теміржол жолдарын толықтай физикалық бұзу шараларын қабылдады", - делінген хабарламада.

15 қазанда елдің шығысындағы Канвондо провинциясының Камхо ауылында және батысындағы Тоннэ ауылында ұзындығы 60 м жол учаскелері бұзылды. ЦТАК бұл шешім Конституцияның талаптарына және "дұшпандық күштердің" арандатуына байланысты Корей түбегіндегі әскери-саяси "соғыс шегіне жететін жағдайға"сәйкес қабылданғанын түсіндіреді.

КХДР Қорғаныс министрлігінің өкілі бұғатталған оңтүстік шекараны "бекініске" айналдыру үшін одан әрі шаралар қабылданатынын айтты.