БҰҰ Газа секторы тұрғындарына көмек көрсетуді тоқтатқанын хабарлады

БҰҰ Газа секторына гуманитарлық көмек жеткізуді тоқтатты. Тиісті мәлімдемені UNRWA комиссары Филиппе Лазарини X әлеуметтік желісінде жариялады. Бұл туралы KAZ.NUR.KZ хабарлайды.

Лазаринидің айтуынша, Біріккен Ұлттар Ұйымының Таяу Шығыстағы Палестиналық босқындарға көмек көрсету және жұмысты ұйымдастыру жөніндегі агенттігі (UNRWA) негізгі "Керем Шалом" көмек өткелі арқылы Газа секторына көмек жеткізуді тоқтатады.

Ол мұндай шешім бекеттен шығатын жолдың бірнеше айдан бері қауіпті болып тұруына байланысты қабылданғанын айтты. Қарашаның ортасында қарулы топ гуманитарлық жүк тиелген жүк көліктерінің үлкен колоннасын басып алған.

"Кеше біз осы бағыт бойынша бірнеше азық-түлік жүк көлігін өткізбек болдық, алайда жолда барлығы ұрланды. Гуманитарлық көмекті жеткізу ешқашан қауіпті сынаққа айналмауы керек", - деді Лазарини.

Ол сондай-ақ UNRWA-ның Газа секторына бұдан былай көмек көрсете алмауы себептерінің тізімін жариялады:

• жалғасып жатқан қоршау,
• Израиль билігінің кедергісі,
• көмек көлемін шектеу жөніндегі саяси шешімдер,
• көмек көрсету жолдарының бойындағы қауіпсіздік пен жергілікті полицияға шабуылдар.

"Көмек көрсету қызметкерлері мен керек-жарақтарын қорғау үшін жауапкершілік басқыншы мемлекет ретінде Израильге жүктеледі. Олар Газаға көмектің қауіпсіз жеткізілуін қамтамасыз етіп, қызметкерлерге шабуыл жасамаулары керек. Мен мұқтаж жандарға көмек көрсетуге мүмкіндік беру үшін тағы да атысты тоқтатуға шақырамын" - деп түйіндеген сөзін UNRWA өкілі.