Оңтүстік Кореядағы ұшақ апаты: 179 адамның мәйіті табылды

Оңтүстік Кореяда Бангкоктан (Таиланд) Муан әуежайына ұшып бара жатқан ұшақ апатынан қаза тапқан 179 адамның барлығының мәйіті табылды. Бұл туралы "Ренхап" хабарлайды.

"29 желтоқсан, 21.07 күнгі мәлімет бойынша, Jeju Air 7C2216 рейсінің апатқа ұшырауы салдарынан қаза тапқандар саны 179 адамды құрады", - деп хабарлады агенттік.

Ұшақ бортында барлығы 181 адам, оның ішінде 175 жолаушы, 4 бортсерік және 2 ұшқыш болғаны атап өтілді.

Бұл авиациялық оқиға қаза тапқандар саны бойынша елдегі ең үлкен оқиға болды.

Оңтүстік Корея президентінің міндетін атқарушы Чхве Сан Мок ұшақ апатына байланысты 29 желтоқсан мен 4 қаңтарды қоса алғанда ұлттық аза тұту жариялады.