RU

Оң мен сол алақанның қышуы нені білдіреді?

Адамның қолының қышуының өзі әртүрлі негіздегі ырымдарға телініп жатады деп жазады Stan.kz.

Егер сіз расында ырымға қатты сенетін болсаңыз, ол сізге көптеген қиындықтар әкелуі мүмкін. Яғни, сенген нанымыңыздың дер уақытында орындалмауы сіздің дегбіріңізді қашырып, алаңдатуға соқтырады.

Сіз үйіңізде бір кәсіппен айналысып жатырсыз делік. Кенет қолыңыз қышып, бірақ сізді алаңдата қоймайды. Демек ырым бұл нақты әрекетке қатысты емес деген сөз. Ал егер басқа ештеңе ойлай алмайтын сәтте қолыңыз қышыса, бұның мәні бар дегенге сенуге болады.

Сосын қолдың қай бөлігінің қышығаны да маңызды. Әрине, бұл жерде әңгіме алақан туралы болып тұр. Әдетте оң қол алақаны қышыса жуырда ақша ұстаймыз деп ырымдаймыз. Халық даналығына сүйенсек, мұндай кезде қолға тиын алып, екі-үш күн тастамай салып жүру керек екен. Бұл әлгі қол қышу арқылы пайда болған ырымның шындыққа айналуына өз әсерін беретін көрінеді.

Сондай-ақ, тағы да оң қолыңыз қышыса сізді көптен бері кездеспеген дос, туыс, ағайынмен кездесу күтіп тұрған болуы әбден мүмкін. Бұлай деуге себеп, амандық-саулық кезінде міндетті түрде оң қол пайдаланылады.

Ырымды қабылдаудың екі нұсқасы бар: егер оң алақан қышыса кездесу болады. Ал сол алақан ажырасу туралы сыр айтуы мүмкін.

Тағы оқыңыздар:

Назарбаев: Ниязымбетов пен Левитті Олимпиаданың алтын жүлдегері деп санау керек (фото)

Жұма сайын мешітке барып, дұға тілеген орыс әйелдің ұлы ауыр сырқаттан жазылып кетті

Павлодар облысында келіншек 16 жастағы қызын жүкті қылып қойған көңілдесін кешіре салды

Атышулы кәсіпкер әйел Лилия Рахқа қатысты тұтқындау туралы қаулы өзгеріссіз қалды

Шетелдік блогер жымиып күлген қазақ бүлдіршінін әлемдегі ең бақытты бала деп атады (фото)

Мақаланың түпнұсқасы: https://kaz.nur.kz/1233633-onh-qol-men-sol-qoldynh-qyshuy-neni-bildir.html