RU

Димаш Құдайбергеннің өнеріне тәнті болған Джеки Чан әншімен арнайы кездесті (фото)

Қазақстандық әнші Димаш Құдайбергеннің өнеріне тәнті болған атақты актер Джеки Чан оны кездесуге өзі шақырған деп хабарлайды NUR.KZ.

"Бүгін менің өмірімде тариxи есте қалатын ерекше күн! Атақты актер Джеки Чан мырза мені теледидардан көріп, кездесуге шақырды! Кездесуде актер маған өзінің эксклюзивті күртешесін және арнайы фирмалық ән тыңдау құрылғысын сыйға тартты!

Ал мен актерге қазақтың шапанын жауып, домбыраны сыйға тарттым! Домбырамен бір күй шертіп беруімді өтінген Джеки Чанға Нұрғисаның "Әлқисасынан" шашу шаштым! Өз кезегінде актер маған соңғы "Kung Fu Yoga" кинокартинасындағы би қимылдарын үйретті.

Бала кезімнен бері келе жатқан сүйікті актерім маған өз ақыл кеңестерін беріп, шығармашылығымды бақылайтынын айтты. Сөз соңында, барша Қазақстан xалқын жаңа жыл мерекесімен құттықтап, әдемі лебіз-тілегін білдірді! Келесі кездесуді асыға күтеміз! Армандар орындалады!..", - деп жазды әнші өзінің желідегі парақшасына.

Еске сала кетейік, атақты әнші Лара Фабиан да Димаш Құдайбергеннің ерекше дауысына таңданыс білдіріп, оны кездесуге шақырған болатын.

Тағы оқыңыздар:

Баян Мақсатқызының бұрынғы күйеуін қатаң режимдегі колонияға жіберді

Бұрынғы ақпарат вице-министрі "Қазпочтаның" жаңа басшысы болып тағайындалды

Петропавлда мектеп оқушысы ұшты-күйлі жоғалып кетті (фото)

Қазақ жігіті шорт-тректен Универсиаданың күміс жүлдегері атанды

Бақытбек Есентаев өмірінің 9 жылын өткізетін қатаң режимдегі колония қандай? (фото)

Мақаланың түпнұсқасы: https://kaz.nur.kz/1400578-dimash-qudaybergen-dzheki-chanmen-suret.html