Экс-депутаттан зорлық көргенін айтқан бойжеткен әділеттік іздеп, Астанаға келді
Опубликовано:
Экс-депутаттан зорлық көрдім деп жанайқайын жеткізген 19 жастағы Елена Иванова әділеттік іздеп, Астанаға келді. Ол 53 жастағы айыпталушы Ержан Ысқақовтың жазалануын талап етуде деп хабарлайды NUR.KZ.
ШҚО-дан Астанаға жету үшін Елена бірнеше рет бағыт ауыстырғанын айтуда. Ол жолай экс-депутаттың қолына түсіп қалудан қорыққанын алға тартты.
Сондай-ақ, бойжеткен қоқан-лоққыға тап болғанын, ал билік көмектеспей жатқанын айтып, шағымданды. Елена аяусыз зорланғанын дәлелдеп, бұрынғы депутатты жазалауға ниетті.
"ШҚО-да істі жауып тастады. Ол маған телефоннан қоқан-лоққы көрсетіп, құмырсқаша таптай салатынын айтты", - деп көзіне жас алды Елена.
Бойжеткен, тіпті ІІД қызметкері оны қорқытпақ болғанын айтуда.
"Мені сұрақтың астына алған Өскемен ІІД-нің қызметкері "шындықты айтпасаң, сені өзім зорлап тастаймын" деп қорқытты", - дейді Елена.
Еске салсақ, бойжеткен бұған дейін экс-депутат оны зорлап тастағанын жалпақ жұртқа жария еткен болатын.
Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98
Мақаланың түпнұсқасы: https://kaz.nur.kz/society/1713047-eks-deputattan-zorlyk-krgenin-ajtkan-bojzetken-dilettik-izdep-astanaga-keldi/
