RU
Семейлік келіншек отбасын сақтап қалу үшін жас жігіттен бала туып алған
Жаңалықтар Қоғам

Семейлік келіншек отбасын сақтап қалу үшін жас жігіттен бала туып алған

Рассказать Вконтакте

Семей тұрғыны отбасын сақтау үшін, студентпен көңіл көтеріп, бала туып алған. Күйеуінің "қашан көтересің" деген сөзінен шаршаған келіншектің осы тәсілге сүйенбеске амалы қалмапты деп хабарлайды NUR.KZ.

Семейлік

Арина күйеуімен отау құрғанына бес жыл өтсе де, балалы бол алмаған. Олар Сергейдің әке-шешесімен бірге тұрыпты.

«Енем мені бедеу деп қаралайтын. Алайда мен бірнеше рет тексеруден өтіп, 100 пайыз балалы болуға мүмкіндігім бар екенін білдім. Ал күйеуіме тексеріл дегенімде, ол мұны теріс қабылдады. Ол бұрын да отбасылы болғанын, сегіз жасар қызы бар екенін алға тартты. Мені «жас шағыңда қыдырып, аборт жасатқансың. Содан көтере алмай жүрсің» деп себепсіз кінәләды. Мен оны жақсы көргенім соншалық, бәріне дайын едім», - дейді Арина.

«Сергей жұмыстан кешігуді, бірнеше күнге кетіп қалуды шығарды. Менен күннен-күнге алыстай бастады. Ал мен отбасымды сақтап қалу үшін барымды салдым. Оқуым Павлодарда болғандықтан, сессия уақытында сол жаққа кетуге тура келді», - деген кейіпкер, күйеуінің көзіне шөп саламын деген ойда болмағанын айтты.

«Оқудың алғашқы аптасында-ақ группаласым туған күнін тойлап, бәріміз бас қостық. Сол жерде Равиль есімді жігітпен таныстым. Ол менен төрт жасқа кіші болатын. Өзі менің күйеуіме қатты ұқсайтын еді. Туған күннен соң ол да менімен кездесудің жолын іздеді. Бірақ мен үнемі қашып жүретінмін. Сондай-ақ Равиль менің тұрмыста екенімді де білді», - дейді Арина.

Оның өзіне ғашық екенін білгенде кейіпкер жоспар жасай бастаған.

«Мен телефон арқылы құрбыма Сергейдің суып бара жатқанын және Равильдің қыр соңымнан қалмай жүргенін айттым. Сонда құрбым әзілдеп «неге Равильден бала туып алмайсың?» деді. Ал мен түні бойы ұйықтай алмай, ойланып шықтым», - деген келіншек ақыры ойын жүзеге асырған.

Равиль оған бірнеше рет күйеуімен ажырасып, өзіне тұрмысқа шығуды да сұраған екен. Алайда сабақ бітіп, Семейге барғанда сағынған күйеуі оны өте жылы қарсы алыпты.

«Арада екі апта өткенде Сергейге жүкті екенімді айттым. Оның бақытында шек болмады. Ал Равильге арамызда болған жайт қателік екенін, енді хабарласпауын өтіндім», - деген келіншек оқиғасын аяқтады.

Алайда төрт айдан соң Равиль қайта хабарласқан. Бірақ сезімі үшін емес, қиын жағдайға тап болғандықтан қарызға ақша сұрапты. Ал Арина өзіне бақыт сыйлағаны үшін ақшаны аударып жіберген. Кейіпкердің пікірінше әр нәрсенің өз өтемі бар. Ал берген ақшасы үшін ол Равильден ешқашан қайта мазаламауын өтінген.

Бізбен бөлісер қызықты әрі маңызды жаңалығыңыз болса, NUR.KZ порталының WhatsApp нөміріне жолдаңыз: + 7 747 535 12 98

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
29
3
11
9
3
40
7
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel