Мақпал Исабекова әлі күнге дейін неліктен тұрмысқа шықпай жүргенін айтты

34 жасқа толған Мақпал Исабекова тұрмысқа шығуға асығар емес. Ол сүйіктісін жолықтырмағанын, әлі күтіп жүргенін айтып берді деп хабарлайды «НТК» арнасына сілтеме жасаған NUR.KZ.

«SuperStar» жобасынан соң, әншіні Эрик Тастамбеков өз қарамағына алып, демеу көрсеткен болатын. Осыдан біраз уақыт бұрын Мақпалдың продюсері «екеуіміздің арамызда махаббат болды» деп мәлімдеген еді. Бірақ, Тастамбеков қазір Мақпалды жайына жіберген.

Ал «Асыл жарым», «Шын сүйемін» әндері хитке айналып үлгерген әнші сүйіктісін әлі жолықтырмағанын мәлімдеді.

«Қазір бара салып, кез-келген адамға тұрмысқа шыға салмаймын ғой. Кішкене тоса тұрыңыздар. Мен де күтіп жүрмін ғой, сіздер де солай жасаңыздар», - деп сөзін әзілмен аяқтады әнші.

Мәтіннен қате тапсаңыз, бізге жазыңыз