RU
Жезөкшенің шындығы: Белгілі шенеуніктің көңілдесі болған ару өз өмірі туралы айтып берді
Жаңалықтар Қоғам

Жезөкшенің шындығы: Белгілі шенеуніктің көңілдесі болған ару өз өмірі туралы айтып берді

Рассказать Вконтакте

Астана қаласында тұрып, өзінен едәуір үлкен әрі қалталы ер-азаматтармен көңіл көтеретін бойжеткен өзінің "қызыққа толы өмірі" туралы айтып берді. Бикештің айтуынша, ол елімізге танымал шенеуніктің көңілдесі болып, оған бір жыл бойы қызмет көрсеткен деп хабарлайды NUR.KZ тілшісі.

Жезөкшенің шындығы: Танымал шенеуніктің көңілдесі болған бойжеткен өз өмірі туралы айтып берді

Жезөкшенің шындығы: Танымал шенеуніктің көңілдесі болған бойжеткен өз өмірі туралы айтып берді

Өзін элиталы жезөкше санайтын Мерей 29 жаста болса да, көпті көрген. Оның айтуынша, өмір - ойын, сондықтан, бұл ойында жеңіске жету ол үшін маңызды. Мәселен, Мерей үшін жеңіске жету дегеніміз - көбірек ақша тауып, өміріңді барынша жеңілдету екен.

"Мен кішкентай кезімнен сүйкімді қыз болып өстім. Өзімнің көрікті екенімді білгендіктен, маған көп адамның көзі түсетін. Бірақ тоғыз-оныншы сынып оқып жүргенде өзімнен он-он бес жас үлкен, отбасылы кісілер мені ұнатып қалатынын байқайтынмын. Содан бері мен артымнан жүгіріп жүретін құрдастарыммен емес, ересек ер адамдармен көңіл көтеретін болдым", - деген ол өзінің бұл "ерекшелігімен" мақтанатынын айтты.

"Мен өзім алматылықпын. Бірақ мектеп бітірген соң оқуға түсе алмай, Астанада оқитын құрбыма кеттім. Ол байдың қызы болатын, өз көлігі, пәтері болды. Бастапқыда соның үйінде тұратынмын. Сөйтіп, танымал сауда үйіндегі дүкенге сатушы болып жұмысқа орналастым.

Мен жалпы мектеп кезінен бастап, өз өзімді күтіп, үнемі бет-әлпетіме көңіл бөліп жүретін адаммын. Содан болу керек, Астанада да түрлі қалталы ер-азаматтардан ұсыныс түсе бастады.

Мен біреудің тоқалы болатын адам емеспін. Маған еркіндік керек. Екіншіден ешкім маған тоқалым бол деп ашық айтпайтын. Сондықтан ақырындап мен өзімнің құнымды ашық айтатын болдым", - деген ол астаналық жезөкшеге қалай айналғанын өзі де білмей қалған.

Сауда үйінде жұмыс істейтін өзге де сұлу қыздармен достығы жарасқан Мерей көп ұзамай, бөлек пәтер жалдап тұра бастайды. Үш қыз болып жезөкшелікпен айналысып, бір түнде елу, тіпті жүз мыңға дейін табыс таба бастаған. Сөйтіп жүріп Мерейдің арбауына астаналық шенеуніктің бірі түсіп қалады.

"Ол мені шын ұнатып қалды. Менің жезөкше екенімді білген жоқ. Мен де сыр берген жоқпын. Мен ол кезде жиырма бесте, ал ол болса 57-де еді. Дегенмен, оның дене бітімі жас жігіттерден кем болмаған. Керісінше, тартымды, сөзі келіскен, кез келген әйел армандайтын ер-азаматтың бірі. Сондықтан мен де оны ұнатып қалдым.

Бастапқыда менің кім екенімді біліп қояды деп қатты қорықтым. Ол маған ешнәрсе уәде берген жоқ. Сатушы екенімді біліп, бөлек пәтер жалдап, соған айына екі-үш реттен ғана келетін. Бірақ келгенде молынан ақша тастап кететін. Мен оның ықыласына қарап өзгермек болып шештім", - деген ол шенеунікпен бірге бір жыл бойы шетелде тұрғанын айтады.

"Бір күні ол өзінің іссапармен Мәскеуге кететінін айтты. Бір емес бірнеше айға кетеді екен. Сондықтан мені өзімен бірге алып кетті. Үйіне, отбасына айына үш рет қана келетін. Әйелі де келіп тұрған болуы керек, ол жағын білмедім.

Бірақ екеумізге бөлек пәтер жалдап, сонда бірге тұрдық. Іссапары біткен соң да ол мені елге алып кетуге асыққан жоқ. Осында келіп тұрды. Оның лауазымы жоғары екенін білетінмін. Бірақ шыны керек, тоқалы болуды осы жолы шын армандадым. Алайда бір жылдан соң бәрі бітті. Ол маған бір көлікке жететін ақша беріп, енді кездесе алмайтынымызды айтты", - дейді бойжеткен.

Дәл осы оқиғадан соң ол қалталы кісілерге қызмет көрсетуден мүлдем бас тартқан. Дегенмен, әлі де өз адамын таппай, қиналып жүргенін айтады.

Хотите быть всегда в курсе самых интересных событий?
Подписывайтесь на наш канал в Telegram!
Сіздің реакцияңыз
69
2
28
8
5
37
15
Спасибо за Ваше мнение Вы уже голосовали
Тағы да оқыңыздар
Пікір