RU
Алтын адам: Ринат Зайытов Сапарбаевты жер көкке сыйғызбай мақтады
Жаңалықтар Қоғам

Алтын адам: Ринат Зайытов Сапарбаевты жер көкке сыйғызбай мақтады

Рассказать Вконтакте

Ақтөбеде өткен республикалық ақындар айтысына келген Ринат Зайытов қатты қуанғанын жасырмады. Көптен ақындар айтысына шақырылмай, елеусіз қалып жүрген ақын ақтөбеліктерге ерекше жыр арнап кетті деп хабарлайды өңірдегі NUR.KZ тілшісі.

Бердібек Сапарбаев пен Ринат Зайытов. Коллаж: NUR.KZ

Бердібек Сапарбаев пен Ринат Зайытов. Коллаж: NUR.KZ

Ақын облыстың әкіміне арнап жыр-шумақтарын төкті

"...Еңбегін ерлерімнің елейінші

Ағайын әзілім деп ойламаңдар,

Мен де бір әкім мақтап көрейінші.

Ақтөбе өзгерместей жарқыраған,

Ұнады бұзылмаған салты маған.

Бұл жерді бір-ақ жылда жұмақ қылған,

Негізі Сапарбаев алтын адам.

Осындай ер бұйырған маңдайына,

Болсыншы, мына отырған халқым аман.

Ісі де жұрт көңілінен шығатындай,

Айтқаны көңіліне қонатындай

Ақтөбе бір-ақ жылда болыпсың ғой,

Кіші жүз астанасы болатындай", - деп шырқаған шығыстық ақын Зайытов Сапарбаевқа ерекше құрмет көрсетті.

Ақын жырында өзінің айтыстарда шеттеп қалатынын да жасырмады.

"...Бұл күнде бұл қазақта обылыс көп,

Ай сайын үш-төрт айтыс болғызатын.

Астана, Алматыға жолатпайды,

Қылмыскер болмасам да заң бұзатын.

Атырау, Қызылорда мен Ақтауға да,

"Жолатпа" дейді мендей жауды жақын.

Жалғыз-ақ Сапарбаев көкем болып тұр,

Өзімді аттай қалап алғызатын.

Барлық облыстың ішіндегі

Ринаттан қорықпайтын жалғыз әкім" ,- деді ақын.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
9
1
1
1
5
63
3
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel