RU
Мақпал Жүнісова концертте бой көрсетпеген Роза Рымбаеваның құпиясын ашып қойды
Жаңалықтар Мәдениет және шоу-бизнес

Мақпал Жүнісова концертте бой көрсетпеген Роза Рымбаеваның құпиясын ашып қойды

Рассказать Вконтакте

Күні кеше Алматыдағы Республика сарайында "Әндер мен жылдар" атты концерт өтті. Бір қызығы афишада көрсетілген әншілер кешке келмей қалған. NUR.KZ тілшісіне сұхбат берген жоба авторы Құдайберген Бекіш жайсыз жайтқа қатысты пікірін білдірген еді.

Құдайберген Бекіш. Фото: instagram

Құдайберген Бекіш. Фото: instagram

"Келемін деп, келе алмай қалатын әншілер бар. Келіседі де, жақын қалғанда хабарлассаң, "Аға, мен ұмытып кеттіппін. Мен бола алмайтын болдым" - деген көп әншілер болып жатыр. Мысалы, Әлішер Кәрімов келемін деп еді, ол кісі ауырып жатыр екен. Кореяда ауырып жатырмын. Маған үлкен ота жасалды деді. Өзінің суретін де жіберді. Серікбол Сайлаубекке хабарлассам, мен ұмытып кетіппін дейді. Ренжігенде не істеймін? Пойыз жүріп кетті ғой!", - дейді Бекіш.

Әншінің сөзінше, Әлішер Кәрімовтің сырқаты себеп болса, Серікбол Сайлаубекке тойдан қомақты сұраныс түскен деп топшылайды. Сондай-ақ, жарнамада көрсетіліп кейін концертте бой көрсетпегендердің қатарында Мөлдір Әуелбекова мен Роза Рымбаева да бар екег.

"Роза Рымбаева белгілі себептермен келе алмай қалды. Өйткені оның айтқан жағдайлары болды. Адам баласы болған соң бір жағдайлар болды. Мөлдір Әуелбекова да келемін деген болатын. Келе алмайтын болды", - дейді Құдайберген Бекіш.

Осы олқылықтың орынын толтыру үшін, жоба ұйымдастырушылары Халық әртісі Мақпалға бірнеше әнді қатар шырқауын өтінген. Құдайберген Бекіш бұл жайында тіс жармағанымен, Жүнісова әріптесі Роза Қуанышқызына қатысты құпия ақпаратты сахнада жайып салды.

Мақпал Жүнісова. Фото: qazaquni.kz

Мақпал Жүнісова. Фото: qazaquni.kz

"Мен бүгін бірнеше ән айтатын болдым. Өйткені, шақырған әншілердің көбісі келмей қалыпты. Роза әпшем Атырауға тойға кетіп қалыпты. Ол тойға 8 мың доллар беремін деп, мені де шақырған. Бірақ мен ақшаны емес, сіздерді таңдадым", - деп Мақпал Жүнісова халықты қыран-топан күлкіге қарық қылды.

Айта кетейік, бұл концерт Ұлттық арнаның 60 жылдық торқалы тойына арналған болатын.

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
106
11
9
9
4
105
7
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel