RU

Оралда жас жігіт қыздарды өзіне қарату үшін көшедегі орындықты күл-талқан етті

Оралда қыздармен танысамын деп көшедегі орындықты күл-талқан еткен жігіт миллиондаған айыппұл төлейтін болды. Бұл туралы NUR.KZ порталы "Мой Город" басылымына сілтеме жасап хабарлайды.

Орындық. Фото: Мой Город
Орындық. Фото: Мой Город: UGC

Орындықты сындырып тастаған 22 жастағы жігітті полиция қамауға алды. Абай даңғылындағы орындықтың талқанын шығарған тұрғынның үстінен қылмыстық іс қозғалған.

"Бұзақылық" бабы бойынша іс қозғалды. Ол 2 мың айлық көрсеткіш есебінде айыппұл төлеуі, қоғамдық жұмыстарға тартылуы немесе екі жылға дейін бас бостандығынан айырылуы мүмкін", - дейді ІІБ өкілдері.

Жас жігіт бұзақылық жасау кезінде мас болыпты.

"Күдікті мұндай әрекетке өткен-кеткен қыздарды өзіне қаратып, олармен танысу үшін барғанын алға тартты", - дейді тәртіп сақшылары.

Жаңалығыңыз болса, порталдың WhatsApp нөміріне жолдаңыз: + 7 747 535 12 98

Мақаланың түпнұсқасы: https://kaz.nur.kz/1733040-oralda-zas-zigit-kyzdardy-zine-karatu-sin-ksedegi-oryndykty-kl-talkan-etti.html