RU
Мәңгі есте: Құшағы ажырамастан әуеде өртке оранған қос ғашық жайлы не білеміз?
Жаңалықтар Қоғам

Мәңгі есте: Құшағы ажырамастан әуеде өртке оранған қос ғашық жайлы не білеміз?

Рассказать Вконтакте

2005 жылы шетелде оқитын қос ғашық Болат пен Айнұрдың оқиғасы әлі күнге ел есінде. Жаңа жыл қарсаңында Англиядан үйіне қайтқан екі жас көкте өртке оранған ұшақпен бірге жанып кеткен болатын. Айнұрдың анасы 13 жыл бұрынғы орны толмас қаза мен кенже қызы жайлы естеліктерімен бөлісті деп хабарлайды kerek-info.kz сайтына сілтеме жасаған NUR.KZ.

Айнұр мен Болат. Фото: NUR.KZ

Айнұр мен Болат. Фото: NUR.KZ

Айнұр 1977 жылы 7 тамызда өмірге келген екен. Өміріндегі 7 сандарын бойжеткеннің өзі де мақтанышпен айтып жүріпті.

"Айнұр – әкесінің қызы болатын, мойнынан түспеді. Өзі кіп-кішкентай, әппақ, пысық. Қазақстан Аруында» "Ең сүйкімді ару" номинациясын жеңіп алады. Алғыр, жолы болғыш. Үнемі анасына "мен 7-тамыз күні, 1977 жылы дүниеге келдім. 7 саны қасиетті, мен бақыттымын, мама" деп жиі айтады екен. Алдында қандай сынақ тұрса да, өтіп кетеді. "Мұнайтас" компаниясында қызмет істеп жүріп, Болатпен танысады. Лондондағы Еуропалық бизнес мектебіне оқуға кеткен Айнұрдың соңынан Болат та барады. Екеуі Англияның Кардиф университетінің магистратурасында оқиды. Екеуі де "Болашақ" бағдарламасының алғашқы түлектерінің бірі.

"Әкесінің қызы кітапты көп оқушы еді. Өте қайырымды болды. Жүрген жерінде елге көмектесіп жүретін. Қайырымдылық пен конкурстар – оның өмірінің айнымас бөлшегі еді. Шетелде ерлі-зайыпты ағылшындардың үйінде жатқанда тамақтарын істеп, үйлерін тазалап береді екен. Олар таң қалады дейді. Қызым ақ саусақ боп өскен жоқ. Кірді де жуды, үйді де ақтады. Арасында мал жайғауға да көмектеседі. Қара жұмыс пен білімге бірдей болатын",- дейді анасы.

Айнұр мен Болат. Фото: NUR.KZ

Айнұр мен Болат. Фото: NUR.KZ

Ал қайғылы қаза орын алмастан 10 күн бұрын Айнұр анасына хабарласып, үйге келетіндерін айтыпты. Болаттың әке-шешесі Айнұрды көрсе, қыздың отбасы Болатпен танысып үлгеріпті. Анасы Шолпанның айтуынша, олардың "келеміз" деген сөзінен соң, екі жақтың да тойға қызу дайындалған.

"Таразда жігіттің әкесі киіз үй құрып, келін түсіруге дайындалып отыр екен. Біз де тойдың қамына кірісіп кеткенбіз. Екеуі толтырып сыйлық алған. Англиядан Бакуге сәтті ұшып келіп, Бакуден Ақтауға кемемен келулері керек еді. Билеттерін өткізіп, дайын тұрған ұшаққа мініп кетеді. Үйге асығып тұрып, ажалға асыққандарын қайдан білсін?! 20 минуттан кейін лайнер атылып, өртеніп, қақ айырылады. Екеуі ұшақ теңселіп жатқанда бір белдікпен өздерін байлап үлгеріп, құшақтасқан күйі көз жұмыпты.

Біз Айнұрдың қазасын көршімізден естідік. Ол үйге телефон соғып, "Айнұр ұшақ апатынан өлді" деп қойып қалған. Кір жуып жатқанмын. Үлкен ұлым Марат қасыма келіп, қалш-қалш етіп тұр. "Не дейсің? Құдай сақтасын" деп екеуміз жүгіріп, үйге кірдік. Апат туралы бір күннен соң естіп тұрмыз ғой. 15 минут сайын жаңалықтан айтып тұрған екен. Әуеліде Болат Кәрентаев деп айтып жатты. Қасындағы сүйектің кімдікі екенін білмей жатқан көрінеді. Күндіз болатын. Кешкі жетідегі жаңалықтан "Айнұр Сүлейманова" деп хабарлады. Есеңгіреп мен талып қалдым. Есінен ауып әкесі талды. Кешкісін үйдің іші азан-қазан болды", - деп анасы 2005 жылдың 23 желтоқсанын еске алды.

Болат пен Айнұр. Фото: NUR.KZ

Болат пен Айнұр. Фото: NUR.KZ

Айта кетейік, Пәк сезімнің символына айналған қос мұңлық Айнұр мен Болаттың есімдерін есте қалдыру жолында көп істер қолға алынды. Солардың алды болып екі жас білім алған Ұлыбританиядағы жоғарғы оқу орны. Олар өмірден озған, талапты да тәрбиелі, қос ғашықтың құрметіне үздік тәлімгерлерге арнап "Айнұр мен Болат" атындағы степендия даярлаған. Бұл үрдіс әлі күнге дейін жалғасын тауып келеді. Сондай-ақ 2007 жылы Айнұр мен Болат есімдерін есте қалдыру мақсатында Таразда олардың атымен "Ғашықтар аллеясы" ашылып, осы аллеяда "Махаббат символы" монументі (мүсінші - К.Кәкімов) бой көтерді.

Жаңалығыңыз болса, порталдың WhatsApp нөміріне жолдаңыз: + 7 747 535 12 98

Қызықты оқиғалардан үнемі хабардар болғыңыз келе ме?
Біздің Telegram каналымызға жазылыңыздар!
Сіздің реакцияңыз
1
0
1
82
4
12
1
Спасибо за Ваше мнение Вы уже голосовали
Тағы да оқыңыздар
Пікір