Бауыржан Сатовтың бірінші әйелі актермен не үшін ажырасып кеткенін айтты

Жақында ғана жас әнші Альбина Шардаровамен көңіл жарастырған танымал тележүргізушінің бұған дейін некеде болғаны ел арасында шу тудырды. Бұл оқиғаға қатысты Бауыржан Сатовтың бірінші әйелі желіде мәлімдеме жасады. Бойжеткен отандық актермен не үшін ажырасып кеткені туралы бар шындықты жайып салды деп жазады NUR.KZ.

Көпшілік Бауыржан Сатовтың екінші рет үйленіп жатқанына қатысты жағымсыз пікірлерін жаудырған болатын. Оның жары атанған жас әнші Альбина Шардарова да оңбай сөз естіді. Оқырмандар оны "тоқал" деп атап аяусыз сынап жатты.

Жұлдызды жұптың отау құрғанына қатысты танымал актердің бірінші әйелі мәлімдеме жасады. Бойжеткен желіде өзі туралы тарап кеткен шындыққа жанаспайтын әңгімелерден шаршағанын жеткізіп, күйеуімен ажырасуына не себеп болғанын ашық айтты.

"Күні кешеден бері мені Бауыржан Сатовтың үйленейін деп жатқаны туралы суреттердің астына белсенді түрде белгілеп жатыр. Туғандарымның ақылын тыңдап, мен бұл оқиғаға қатысты ештеңе айтпаған болатынмын. Енді желіде мен туралы таралып жатқан жалған әңгімелерден кейін мәлімдеме жасауға бел будым

Ия, біз ажырасып кеттік! Қазіргі таңда екінің бірі ажырасып жатыр, онда тұрған ештеңе жоқ! Мені желіде ауру адамға теңеп жатқанын естідім. Оқырмандардың айтуынша, дене сымбатымды бұзғым келмегендіктен бала туғым келмепті. Не деген сандырақ әңгіме?

Ажырасуды насихаттамаймын. Бірақ, біреуге керексіз зат болып қалғанша жалғыз болып жеке дамығанды жөн санадым. Мен тұлғамын! Ол мені сүймей кетті, қинап жақсы көргізе алмайсың адамды. Кету керек, сүйіктіңді жібере білу керек", - деп жазған актердің бірінші әйелі.

Оған қоса, бойжеткен бұл оқиғаға қатысты жағымсыз пікір жаудырып жатқандарды сабырға шақырып, біреудің жеке өміріне араласпауын өтінді.