Top.Mail.Ru

Сайт нұсқасы

ru kz

Зектілері

"Күнәларым бар": Илья Ильин әйелімен не себепті ажырасқанын ашық айтты

Опубликовано:

Отандық танымал спортшы Илья Ильин отбасылық оқиғалары мен басынан өткен қиындықтары туралы бөлісті. Ауыр атлеші орын алған допинг жанжал мен Наталья Кулаковамен ажырасып кеткені жөнінде ашық айтты деп жазады Men`s Health басылымына сілтеме жасаған NUR.KZ.

Коллаж NUR.KZ (фото instagram.com/ilyailyinforever и comode.kz)
Коллаж NUR.KZ (фото instagram.com/ilyailyinforever и comode.kz): UGC

Илья әйелімен ажырасу өзіне ауыр тигенін жасырмады. Оған қоса спортшы ол кезеңде допинг жанжалына қатысты күйзелісте жүргенін мойындады.

Алайда, ауыр атлет спорттық мансабындағы келеңсіз оқиға орын алмаған күнде де жанұясын бәрібір сақтап қала алмайтындарын жеткізді. Оның айтуынша, жанұяда шешілмей қалған мәселелер жиналып қалған.

"Мен өзіммен-өзім жеке бөлек өмір сүремін. Мен менмін, басқалардың көргісі келетін адам емеспін. Барлық міндеттерімді еркекше орындадым. Мен қызу қанды жігітпін, күнәларым да жоқ емес екенін мойындаймын. Алайда, бұл өмір өткенді қайтарып ала алмайсың", - деп айтты Ильин.

Спортшы қарым-қатынаста өзара түсіністік пен қолдаудың аса маңызды екенін атап өтті. Дәл осы нәрселер Наталья екеуіне жетіспеген көрінеді. Оның айтуынша, әйелі екеуін тек қана қызы Милана ғана біріктірген.

Қазіргі таңда, Илья ата-анасымен тұрады. Олар өз кезегінде бұрынғы келіндерімен жақсы қарым-қатынаста қалған.

Спортшы өзінің уақытын барынша қызына арнауға тырысады. Ол Милананы мектепке апарып, бірге қызықты уақыт өткізгенді бірінші орынға қойған.

Илья Ильинның айтуынша. Наталья жұлдызды күйеуінің қыр соңынан қалмай сүретке түсе беретін жанкүйерлерінен мезі болған.

Спортшы допинг жанжалға қарағанда ажырасуын өте ауыр қабылдағанын жасырмай айтты.

"Спортта бәрін жасауға болады, ретке келтіріп жандандыруға мүмкіндік бар. Ал сүйікті адамыңды жоғалту мүлде басқаша. Бұл өте ауыр сезім. Менің жарам әлі де жазылмады", - деді Ильин.

Ауыр атлет басына түскен ауыр сынмен қалай күресіп жүргенін де айтты.

"Жаттығулар, саяхаттау мен достарыммен көрісу маған көтек беруде", - деді спортшы.

Ажырасқалы араласпай кеткендеріне қарамастан Илья Наталья Калмаковамен болашақта қайта қосылып қаларына үмітті екенін айтты.

Алайда, бұл жағдай орын алмаса ол бұрынғы әйелімен жақсы дос болмақ.

Спортшы ажырасудың өзі үшін үлкен сабақ болғанын жеткізді. Алдағы уақытта ол жаңам қарым-қатынас құруды ойлап жүрген де жоқ. Бар назары мен уақытын зілтемірге арнаудамын дейді Ильин.

Мақаланың түпнұсқасы: https://kaz.nur.kz/society/1745956-knlarym-bar-ila-ilin-jelimen-ne-sebepti-azyraskanyn-asyk-ajtty/

pixel