Айсәуле Бақытбек есірткіге тәуелді болып қалған құрбылары туралы ашық айтты

Продюсер Баян Алагөзованың қызы есірткі пайдаланатын құрбылары туралы айтты. Оның айтуынша, ол құрбылары есірткі сатып алып жатқан кезде бірнеше рет жанында болып, барлығын өз көзімен көрген. Бұл туралы Айсәуле өзінің Instagram желісіндегі парақшасында айтты деп жазады NUR.KZ.

Посмотреть эту публикацию в Instagram

Публикация от Instagram

Еліміздегі есірткіге тәуелді жандардың проблемасын көтерген продюсердің қызы өзінің өмірінің кейбір тұстарын да ашып көрсетті. Айтуынша, оның құрбысының есірткіге тәуелді болып қалғаны оның жанына қатты батқан.

Тіпті ол құрбысының тәуелділігі туралы мүлдем білмегенін және естігенде қатты таңғалғанын айтты.

"Мен есірткіні қайдан алуға болатынын білемін. Оны сатып алып жатқан кезде талай рет куә болғанмын. Көп жылдан бері жақсы танитын адамдар көз алдымда өзгеріп сала бергенін де көргенмін. Олар өзгеріп, маған түсініксіз күйге түсетін. Есірткі алу үшін көп ақша керек деген пікір де өтірік. Оған қол жеткізу үшін ақша да, таныстар да, миллиондар да қажет емес. Дәріханаға кіріп, өзіңізге қажетті дәріні сұрасаңыз жеткілікті. Кейде дәрігердің қағазын жоғалтып алдым немесе ұмытып кеттім десеңіз жеткілікті.

Ең қорқыныштысы, ата-аналар баласының есірткіге тәуелді екенін білмей жүре береді. Тәуелді адамдармен көп жылдан бері араласып жүріп, олардан ешнәрсені байқамағанмын.

Құрбыларымның бірі дәріханада сатылатын есірткіге тәуелді болған кезде қатты таңғалдым. Бірақ ол ғана емес, таныстарымның көп бөлігі бұл нәрсені пайдаланатынын білгенде, шара қолдану керек екенін түсіндім. Жақындарының мұндай тәуелділігіне куә болғандар оларды қорқытып-үркіту арқылы қойдыру мүмкін емес екенін біледі", - деп жазды ол.

Айсәуленің бұл жазбасы желіде қызу пікірталас тудырды. Бірі оны батыл қадамы үшін мақтап жатса, екіншілері шындықты елге жайып салғанына қынжылып, наразылық танытты.

Мәтіннен қате тапсаңыз, бізге жазыңыз