RU

Керчь: Колледжде болған жарылыстан 10 адам көз жұмып, 50 адам жарақат алды (фото, видео)

Қырымның Керчь қаласындағы колледждердің бірінде ірі көлемдегі жарылыс болып, он адам қайтыс болды. Сонымен бірге, 50-ден астам адам жарылыс салдарынан жарақат алған. Бұл туралы Mash Telegram-каналы мәлім етті деп жазады NUR.KZ.

Керчь взрыв
Фото: НТВ: UGC

Дереккөздің хабарлауынша, қайғылы оқиға политехникалық колледжде орын алған. Кей деректер бойынша, төтенше жағдайдың орын алуына асханадағы тұрмыстық газдың жарылуы себеп болуы мүмкін.

Апат салдарынан 10 адам қайтыс болып, тағы 50-ге жуық адам жарақат алған.

Жарақат алғандардың саны әлі де өсуі мүмкін.

Керчь взрыв
Фото: kerch.ru: UGC

Mash басылымының хабарлауынша, оқу орны орталық газ құбырына қосылмаған. Сондықтан, асханадағылар газ баллондарын қосуы әбден мүмкін.

Керчь: Колледжде болған жарылыстан 10 адам көз жұмып, 50 адам жарақат алды (фото, видео)
Фото: Mash: UGC

Сондай-ақ, төтенше жағдайлар жөніндегі министрлік болған жайтқа қатысты әлі де ресми пікір білдірмей отыр. Олар Терроризмге қарсы ұлттық комитетке сілтеп отыр.

Керчь: Колледжде болған жарылыстан 10 адам көз жұмып, 50 адам жарақат алды (фото, видео)
Фото: Mash: UGC

Бұдан бөлек, жергілікті ауруханаларға медициналық оқу орындарының студенттерін көмекке тартып жатқаны белгілі болды. Олар дәрігерлерге жарылыстан зардап шеккендерге көмек көрсетуге қол ұшын созуда. Жарақат алғандардың көбінің жағдайы ауыр.

Керчь: Колледжде болған жарылыстан 10 адам көз жұмып, 50 адам жарақат алды (фото, видео)
Фото: Mash: UGC

Сонымен бірге, дереккөздің мәліметінше, куәгерлер жарылысқа атыс себеп болуы мүмкін екенін айтқан. Алайда бұл деректердің рас-өтірігі әлі анықталмады.

Мақаланың түпнұсқасы: https://kaz.nur.kz/1758475-kerc-kolledzde-bolgan-zarylystan-10-adam-kz-zmyp-50-adam-zarakat-aldy-foto-video.html