"Олар ешкімді көрмейді": Бүркіт жұлдыз ауруы туралы ашып айтты (видео)

Елімізге танымал әнші Бүркіт шоу-бизнес өкілдері жиі шалдығатын "жұлдыз" ауруы туралы айтып берді. "Ойбай Life" бағдарламасына қонаққа келген әнші көпшіліктің өзін сырттай көріп, қате баға беретінін мәлім етті деп хабарлайды NUR.KZ.

"Мен ешқашанда "жұлдыз" ауруымен ауырған емеспін. Ондайдан Алла сақтасын. Мен ол аурумен ауырған адамдарды көргенмін. Олар ештеңе сезбейді. Сол сәтте адам ешкімді көрмей қалады. Танымалдылықты көтере алмай қалғандарға тура қойылған диагноз ол", - деп күлді әнші.

Сондай-ақ, Бүркіт өзінің суық сырт келбетіне қарап, адамдардың өзіне жақындауға қорқатынын да жасырмады.

"Кейбір адамдар мен туралы қате ойлайды. Мені көпшілік орында кездестіріп қалғандар түйілген қабағыма қарап, "жұлдыз" ауруына ұшыраған деп жақындамайды. Бұл жайында талай естігенмін. Бірақ, менімен сөйлессеңіздер олай емес екенін түсінесіздер", - деді Бүркіт.

Айта кетейік, күні кеше Бүркіт өзінің осыдан сегіз жыл бұрын ұшақта шу шығарғанын мәлім етті.

Сондай-ақ Бүркіт өзін сынға алған желідегілерге қандай шара қолданатынын да айтып берді.

Естеріңізге сала кетейік, Бүркіттің әндерін біздің MusicNur қосымшасынан тыңдай аласыздар.