Денис Теннің өлімі: Алдын ала сот тыңдалымы қашан өтетіні белгілі болды

Жарияланған күні: 19 желтоқсан 2018, 18:58

Алматы қаласында танымал мәнерлеп сырғанаушы Денис Теннің өліміне қатысты істің алдын ала сот тыңдалымы қашан өтетіні белгілі болды деп хабарлайды NUR.KZ.

Фото: Алматы қаласының полиция департаменті: UGC

Сот өкілдері алдын ала тыңдалым 25-ші желтоқсан күні таңғы 10-де өтетінін хабарлады.

Сот отырысы Алматы қаласының мамандырылған ауданаралық сот ғимаратында өтеді.

Істі судья Кеншілік Әбделдінов қарайды.

Қылмыстық іс бойынша үш адам күдікке ілініп отыр: Арман Құдайбергенов, Нұралы Қиясов және Жанар Толыбаева. Осы адамдарға танымал мәнерлеп сырғанаушыны өлтірді деген айып тағылып отыр.

Еске сала кетейік, шілде айында қазақстандық мәнерлеп сырғанаушы Денис Тен қайтыс болғанын хабарлаған болатынбыз.

Мақаланың түпнұсқасы: https://kaz.nur.kz/accidents/crime/1769277-denis-tenni-limi-aldyn-ala-sot-tydalymy-kasan-tetini-belgili-boldy/