Қаңтарда жауған жаңбыр Алматы жұртын таңғалдырды (фото)

Алматылықтарды қаңтардың ортасында жауған жаңбырқайран қалдырды. Желі қолданушылары жаңбырдан соң қалада көктайғақ болатынын, түнде ауа температурасы төмендейтінін жарыса жазды деп хабарлайды NUR.KZ.

"Қаңтарда жауған жаңбырдың арты көктайғаққа айналады", "16 қаңтарда түні бойы жаңбыр жауды!", "Қысқы жаңбыр, қысқы жаңбыр!", "16.01.2019 Алматы. Жаңбыр әлі жауып жатыр", "Бүгін күні бойы жауын-шашын болуда, Алматыға көктем келді", "Құстар аулада ән салуда", "Қаңтар, бұл сенбісің?! Қыстың ортасында жаңбыр жауғанын бірінші рет көріп тұрмын!", - деп жазды алматылықтар жарыса.

Gismeteo сайтының хабарлауынша, Алматыда күндіз + 1, + 3 градус, ал ертеңнен бастап ауа температурасы төмендейді екен.

Қар жауып, күн суытады деп күтілуде.