RU
Астанада өрт сөндіру кезінде бес баланың денесі табылды

Астанада өрт сөндіру кезінде бес баланың денесі табылды

Рассказать Вконтакте

Астананың Сарыарқа ауданында уақытша тұрғызылған үйден шыққан өрт салдарынан бес бала қаза болды деп хабарлайды төтенше жағдайлар комитетінің баспасөз қызметіне сілтеме жасаған NUR.KZ.

Иллюстрациялық фото nuz.uz сайтынан алынды

Иллюстрациялық фото nuz.uz сайтынан алынды

Оқиға төртінші ақпан күні болған.

Түнгі 02:34 төтенше жағдайлар комитетінің пультіне Сарыарқа ауданының Шыңғыстау көшесінде уақытша тұрғызылған үйден өрт шыққаны туралы хабарлама келіп түскен.

Өрт 30 шаршы метр аумақты шарпып, 25 шаршы метр шатыр опырылған. Оқиға орнына жеткен өрт сөндірушілер өртті 03:24 ауыздықтаған.

Өрт сөндіру кезінде үйдің ішінен бес баланың мәйіті табылды. Олар 2006, 2008, 2013, 2015 және 2018 жылдары туылған. Ата-аналары жұмыста болған.

Өрт сөндіруге Астана ТЖК-нің жеке құрамның 17 адамы және бес өрт сөндіру техникасы және ТЖК-нің ОААҚО жеке құрамының төрт адамы мен бір техникасы тартылды.

Өрттің шығу себебі анықталуда.

Тағы да оқыңыздар
Жүктеу...
Mailfire view pixel