Қазақстандықтар 5 мың теңгеге ұшаққа билет сатып алатын болды
Жарияланған күні:
"FlyArystan" бюджеттік әуе компаниясы кейбір бағыттарға билет құнын жария етті деп хабарлайды KAZ.NUR.KZ.
Аталған компанияның Instagram желісіндегі парақшасында жарияланған ақпаратқа сәйкес, ұшу ұзақтығы 1 сағатты құрайтын Тараз бен Алматы арасындағы рейске билетті бар болғаны 5 мың теңгеге сатып алуға болады.
"Жақындарыңызға енді әр апта сайын ұшуға болады. Бір жақты билет құны небәрі 4 999 теңгеден басталады", - делінген жазбада.
Сондай-ақ, Орал мен Алматы бағытындағы рейске билет құны 12 999 теңгеден басталатындығын хабарланды.
Айта кетейік, билеттерді flyarystan.com сайтында арзанырақ сатып алуға болады.
Мақаланың түпнұсқасы: https://kaz.nur.kz/nurfin/1785938-kazakstandyktar-5-my-tegege-sakka-bilet-satyp-alatyn-boldy/
